Instituti Hidrometerologjik i Kosovës (IHMK) ka bërë të ditur se javën e ardhshme vendi ynë pritet të jetë nën ndikimin e kushteve të qëndrueshme meteorologjike.

Sipas njoftimit, në mëngjes do të mbajë mot i freskët dhe i këndshëm, ndërsa gjatë ditës temperaturat do të shënojnë rritje graduale, duke arritur vlera tipike për stinën e verës, shkruan Arbresh.info.

Pritet që moti të jetë kryesisht me diell, me ndonjë vranësirë kalimtare, pa reshje të dukshme. Në orët e mesditës, temperaturat maksimale do të variojnë në intervalin veror, duke krijuar kushte të përshtatshme si për aktivitetet e përditshme, ashtu edhe për veprimtari rekreative në natyrë.

Stabiliteti atmosferik do të shoqërohet edhe me erëra të lehta, të cilat do të ndikojnë që moti të jetë më i përballueshëm gjatë periudhave më të nxehta të ditës.

Sipas parashikimeve, nuk priten ndryshime të mëdha atmosferike, çka nënkupton se java e ardhshme do të karakterizohet nga mot i qëndrueshëm, tipik veror dhe i përshtatshëm për planifikimin e aktiviteteve të ndryshme.

E hënë

Moti me diell dhe vranesira të shpërndara.
• Temperaturat minimale: 9 – 12°C
• Temperaturat maksimale: 24-27
• Era: Kryesisht nga veriperendimi e lehte deri mesatare.

E martë
Moti me diell dhe vranësira të pjesëshme.
• Temperaturat minimale: 7– 10°C
• Temperaturat maksimale: 25-29°C
• Era: nga veriperëndimi, 1–3 m/s

E mërkurë
Moti me diell dhe vranësira të pakta, vranësirat parashihen të jenë të fokusuara për rreth relievit malor.
• Temperaturat minimale: 9– 12°C
• Temperaturat maksimale: 26-32°C
• Era: kryesisht nga verilindja, 1–3 m/s

E enjte
Moti kryesisht me diell
Temperaturat minimale: 9– 12°C
Temperaturat maksimale: 27-33°C
Era: nga verilindja, 1–4 m/s

E premte

Mot kryesisht me diell.
Temperaturat minimale: 10-13°C
Temperaturat maksimale: 28-36C
Era: e lehtë deri mesatare nga drejtimi i jugperëndimit/Arbresh.info/